L1 - Ik än da oudere
Dåt schuchst dü aw jüheer sid
Paul än Emma drååwe enouder. Paul as aw sin rüüdj fiilj unerwäägens än Emma spaalt ma Tufeln, harn latje hün. Leefts än ruchts stönje da hüsinge, weer Paul än Emma booge. Än maning oudere keere koon huum deer uk nuch siinj.
Snååk iinjsen ouer dåt bil!
Sü köön frååge tu dåt bil ütsiinj. Wat köö huum deeraw swååre?
Snååk iinjsen maenouder!
Sü köön Paul än Emma maenouder snååke:
Hiir iinjsen tu!
Dou iinjsen wat!
Ferteel wat foon de!
- Hü / Wat håtst dü?
- Weer boogest dü? Önj en toorp, önj en latj stää unti önj en grut stää?
- Önj wat for en hüs boogest dü? (rüüdj / wit / gööl…)
- Hü maning manschene booge önj dåt hüs?
Spale, sunge, dachte
Uurde for jüheer sid (Uurdelist)
Heer jeeft et en list ma åle uurde foon da keere, wat awt bil tu schüns san. Oudere uurde, wat huum brüket, am ouert bil tu snååken, koon huum deer uk fine.