L12 - Iirstide än wääder
Dåt schuchst dü aw jüheer sid
San, rin än storm koone we ouert hiil iir füünj – snii ai. Dåt koon huum gau rütfine, wan huum aw dåt grut bil kiiket. Wan e pooscherouse bloosme, wan we ååple pluke koone, wan huum büte en sniimoon bage koon än wan we fääderbåle spaale koone…
Snååk iinjsen ouer dåt bil!
Sü köön frååge tu dåt bil ütsiinj. Wat köö huum deeraw swååre?
Snååk iinjsen maenouder!
Sü köön Paul än Emma maenouder snååke:
Hiir iinjsen tu!
Dou iinjsen wat!
- Ferteel foon din feerie!
- Frååg dan näiber, huken iirstid hi / jü hål mäi!
- Måål en bil foon din liifst iirstid!
- Bastel en drååge üt papiir!
- Mååg en iirskris: önj arken floose schan fjouer bjarne maenouder årbe. Arkenån namt ham en iirstid. Jarst ütmååle, dan ütklape. Awäädrie koone da ainkelte diile tuhuupeläid wårde. Klåår as dan e iirskris üt uurs, samer, harfst än wunter! – Heer san da årbesbleese, wat jam deerfor brüke:
Spale, sunge, dachte
Uurde for jüheer sid (Uurdelist)
Heer jeeft et en list ma åle uurde foon da keere, wat awt bil tu schüns san. Oudere uurde, wat huum brüket, am ouert bil tu snååken, koon huum deer uk fine.